Ресей Федерациясы Орталық банкінің төрағасы Набиуллина ирандық әріптесі Мохаммад Реза Фарзинмен келіссөздер жүргізді.
Кадр: «Айтпақшы» Telegram-каналы
Ресей Орталық банкінің басшысы Эльвира Набиуллина Иранға келіп, әріптесі Мохаммад Реза Фарзинмен келіссөздер жүргізді, деп жазады РБК ирандық дереккөздерге сілтеме жасап.
Жиында Ресей банкінің төрағасы Ислам республикасының нормаларына сәйкес хиджаб киді. PressTV ирандық басылымының хабарлауынша, Набиуллина екі елдің банк және валюта секторы арасындағы ынтымақтастықты кеңейтудің маңыздылығын атап өтті.
«Екеуміз де елдер арасындағы валюталық қатынастарды дамыту бойынша байыпты консенсусты қолдадық, соның негізінде жол картасын дайындадық», — деп келтіреді РБК Иран Орталық банкі басшысының Twitter-дегі сөздерін. Жоспарға сәйкес, елдер екіжақты қарым-қатынаста ұлттық валюталарды пайдалануды кеңейтіп, екіжақты есеп айырысу жүйесін нығайтады.
Набиуллина сонымен қатар 23-24 мамыр аралығында Тегеранда өтетін Азиялық клирингтік одақтың саммитіне қатысуды жоспарлап отыр. Оның негізгі тақырыбы Азияның ірі экономикалары арасындағы саудада баламалы валюталарды пайдалану болмақ.
Ресей банкі төрағасының Иранға сапары туралы Иран Орталық банкі басшысының орынбасары Мохсен Карими мәлімдеді, деп жазды ТАСС. Ресей тарапы бұл хабарламаға, сондай-ақ сапардың өзіне түсініктеме бермеді.