Мәскеу қаласы. Мұрағат фото
Мәскеуде патенттеу гранттарына өтінімдерді қабылдау ұзартылды, 150-ден астам компания қолдау шарасын пайдаланып үлгерді, деп хабарлайды елорда әкімінің сайты.
«Ресейде және шетелде патент алуға гранттарға өтінімдерді қабылдау 1 тамызға дейін ұзартылды. Оларға Мәскеу инновациялық кластерінің мүшелері өтініш бере алады. Өтініштер i.moscow платформасында қабылданады. Грант сомасы Ресейде өтінім берген күннен 12 ай бұрын алынған бір патент үшін 75 мың рубльді құрайды. Бұл сома тек мемлекеттік баж салығын төлеуді ғана емес, сонымен қатар өнертабыс авторларының шығармашылық жұмыстарын және соған байланысты шығындарды да қамтиды.
Компаниялар шетелде патент алуға байланысты шығындардың 70 пайызын өтей алатыны атап өтілген. Бұл қолдау шарасының максималды сомасы екі миллион рубльді құрайды (шетелдік патент алу құны Ресейдегіден жеті немесе одан да көп есе жоғары). Әрбір компания өтінімдердің шектеусіз санын ұсына алады.
«Мәскеудегі патенттік белсенділік жақсы өсуде. Қазірдің өзінде 150-ден астам елордалық компания патент алуға кеткен шығынды өтеп үлгерді. Біз бағдарламаны осы қолдау шарасын пайдаланып үлгермегендердің барлығы ала алатындай етіп кеңейтуді шештік», — делінген Мәскеу қаласының кәсіпкерлік және инновациялық даму департаментінің басшысы Алексей Фурсиннің хабарламасында.
