Римнің, Италияның көрінісі. Мұрағат фото
Украинадағы қақтығысқа байланысты Еуроодақтың санкция тізіміне енген ресейлік он кәсіпкер Италия астанасы Лацио облысының әкімшілік сотына шағымданды, деп хабарлайды Corriere della Sera газеті.
Жалпы, Италия 28 кәсіпкердің 2,7 миллиард еуроға түрлі активтерін бұғаттады деп жазады газет. Сотқа арыз берген он олигархтың адвокаттары тәркіленген мүлік «жеке тұлғаларға емес, олардың пікірінше, кірісі санкцияланған олигархтарға тиесілі емес түрлі тресттерге тиесілі» деп мәлімдейді Corriere.
Басылымның хабарлауынша, ресейлік олигархтардың өтініштері бөлек қаралып жатыр, олардың біреуіне қатысты әкімшілік сот теріс шешім шығарып үлгерген. Әңгіме «Северсталь» иесі Алексей Мордашовтың активтері, оның ішінде 65 миллион еуроға яхта туралы болып отыр. Сот бұған дейін бірнеше компания арқылы кемені ресейлік кәсіпкердің отбасының меншігіне жатқызған Қаржы күзетінің ұстанымымен келісті.
Сотқа Мордашовтан басқа Алексей Мельниченко мен Әлішер Усмановтың өкілдері жүгінді, деп жазады Corriere.
