Киевтегі АҚШ туы. Мұрағат фото
Украина 2023 жылы Халықаралық валюта қорына (ХВҚ) 3 миллиард доллар қарызын төлеуді жоспарлап отыр, деп хабарлады жексенбі күні Жоғарғы Раданың Қаржы, салық және кеден саясаты жөніндегі комитетінің төрағасы Данил Гетманцев өзінің Telegram-каналында.
Бұған дейін Францияның Экономика министрлігі Украинаның бір топ кредиторлары қарыздарын төлеу жөніндегі міндеттемелерді тоқтату мерзімін 2027 жылға дейін ұзартқанын хабарлаған.
«Кейбір БАҚ-та Украинаға ХВҚ-ға қарыздарын төлемеуге рұқсат берілді деген жалған ақпарат пайда болды. Бұл олай емес. Біз ХВҚ алдындағы қарыздарды өтеуді және қызмет көрсетуді жалғастырамыз. Биыл біз 3 миллиард доллардан сәл артық төлейміз (пайызбен). ХВҚ-мен меморандумды үкімет жұма күні мақұлдады, біз ХВҚ-мен 4 жылдық бағдарлама айдың соңына дейін пайда болуы үшін барлығын жасап жатырмыз», — деп жазды Гетманцев.
Бұған дейін ХВҚ Украинамен төрт жылға 15,6 миллиард долларлық несие бағдарламасы бойынша келісімге келген.