«Ресей – Африка» экономикалық форумы. Мұрағат фото
Ресей-Африка саммитінің қорытындысы бойынша жасалған декларация елдер арасындағы ынтымақтастықты дамытудың тәсілдерін белгілейді, деп хабарлады журналистерге президенттің көмекшісі Юрий Ушаков. «Саммит соңында («Ресей-Африка» 28 шілдеде. – ред.) қорытынды декларацияны қабылдау жоспарлануда, онда ресейлік-африкалық ынтымақтастықты дамытуға, халықаралық бағыттың өзара іс-қимылын тереңдетуге келісілген көзқарастар бекітіледі», — деді Ушаков.
Сондай-ақ, оның айтуынша, жеке тақырыптық декларациялар қабылданады, атап айтқанда: халықаралық ақпараттық қауіпсіздікті қамтамасыз ету саласындағы ынтымақтастық туралы, лаңкестікке қарсы күрес саласындағы ынтымақтастықты нығайту туралы, ғарыш кеңістігіндегі жарысқа қарулануды тоқтату туралы.
Сонымен қатар, Ресей-Африка әріптестік форумының 2023-2026 жылдарға арналған іс-шаралар жоспары бекітіледі.
Екінші саммит және Ресей-Африка экономикалық және гуманитарлық форумы 27-28 шілдеде Санкт-Петербургте өтеді. РИА Новости шараның медиа серіктесі болып табылады.
