Ресей президенті Владимир Путин. Мұрағат фото
Ресей экономикасы жақын болашақта жоғары өсу қарқынын сақтайды, деді президент Владимир Путин экономикалық мәселелерге арналған кеңесте.
Мемлекет басшысының айтуынша, іскерлік белсенділіктің оң көрсеткіштерінің бірі – банктік несиелендіру.
«Алдын ала мәліметтерге сәйкес, 1 шілдедегі жағдай бойынша корпоративтік несиенің рубльдік өсімі 21 пайыздан, ал жеке тұлғаларға берілген несиенің жылдық өсімі 16,7 пайыздан асты. Несиелеудің мұндай көлемі бизнестің шикізатқа, материалдарға, құрал-жабдықтарға сұранысының артып келе жатқанын көрсетеді», — деді ол.
Сонымен қатар, ресейліктердің түпкілікті өнімге деген сұранысының артуы байқалады, сондықтан алдағы тоқсандарда экономикалық өсудің жоғары қарқыны және мемлекеттік бюджет кірістері сақталуы тиіс, деді Путин.
Сондай-ақ, Президент жыл соңына дейін елдің жалпы ішкі өнімі екі пайыздан астам өсетініне сенім білдірді.
«Өткен жылдың екінші тоқсанынан бастап ЖІӨ тоқсан сайын шамамен 0,5-0,7 пайызға өсе бастады…», — деді ол.
Ресей басшысы атап өткендей, 2022 жылы бұл көрсеткіш 2,1 пайызға төмендесе, ағымдағы жылдың қаңтар-мамыр айларында 0,6 пайызға өсті.
«Сонымен қатар, айдан айға қарқын арта түсті. Мамыр айының қорытындысы бойынша – 5,4 пайызға дейін», — деп қосты Путин.
Сонымен қатар, Мемлекет басшысы жұмыссыздық деңгейінің төмендегеніне назар аударды, ол қазір 3,2 пайызды құрап отыр. Сонымен қатар, ресейліктердің нақты жалақысы 2018 жылдан бері алғаш рет екі таңбалы қарқынмен он пайыздан астам өсті, деді ол.
Тұтастай алғанда, Президент соңғы нәтиже күткен және алдын ала есептегеннен де жоғары болғанын атап өтті.
