Чех және неміс құбыр жүйелерін байланыстыратын Сайда компрессорлық станциясы. Мұрағат фото
Еуропадағы газдың биржалық бағалары өсу қарқынын 18,5%-ға дейін жеделдетіп, мың текше метр үшін тағы 350 доллардан асты, деп хабарлайды Лондон ICE биржасы.
TTF индексі бойынша шілде (ең жақын) фьючерстері (Нидерландыда орналасқан Еуропадағы ең ірі хаб) мың текше метрге $296,5 (-0,5%) деңгейінде сауданы ашты. Ал мәскеу уақыты бойынша 16.42-дегі деректер бойынша олардың құны 353,3 долларды (+18,5%) құрайды. Баға ұсыныстарының динамикасы алдыңғы сауда күніндегі есеп айырысу бағасына негізделген – мың текше метр үшін $298,1.
Газдың бағасы өткен жылдың соңынан, яғни 25 мамырға дейін төмендеп, соңғы екі жылда алғаш рет мың текше метрі 300 доллардан төмен түсті. Бұл өткен жылғы көктемнің алғашқы күндеріндегі рекордтық мәндерден – мың текше метрге 3892 доллардан 13 есеге төмен.
Еуропалық қор биржасында газ бағасы Еуропалық Одақтың жерасты газ қоймаларындағы жеткілікті қорларға, сондай-ақ ауа-райының жылы және желді болуына және табиғи газды тұтынуды айтарлықтай төмендеткен үнемдеу шараларына байланысты арзандады.
Еуропа нарығында газ бағасы 2021 жылдың көктемінде айтарлықтай өсті. Содан кейін бағамдар мың текше метрге 250-300 доллар аралығында ауытқып тұрды, жаздың аяғында 600 доллардан, ал күзде 1 мың доллардан асып кетті. 2021-2022 жылдың қысында баға мың текше метрге 2000 доллар шегінен асып, көктемнің басында ресейлік энергетикалық ресурстарды импорттауға тыйым салынады деген қауіптен ол рекордтық деңгейге жетті. Мұндай тұрақты жоғары баға 1996 жылдан бері Еуропадағы газ хабтарының тарихында болмаған.
