Сыртқы істер министрінің орынбасары Галузин: Украина ЕО мен НАТО-ға кіруден бас тартса, Украинада бейбітшілік орнауы мүмкін
Фото: «Азат Еуропа» / «Азаттық» радиосы / Сергей Нуженко
Украинада бейбітшілікке қол жеткізу, егер бұл ел Еуропалық Одақ (ЕО) мен НАТО-ға кіру жоспарларынан бас тартса мүмкін болады. Мұндай шартты Ресей сыртқы істер министрінің орынбасары Михаил Галузин айтты, деп хабарлайды ТАСС.
«Жан-жақты, әділ және ұзақ бейбітшілікке қол жеткізу үшін Украина 1990 жылы өзінің мемлекеттік егемендігі туралы декларацияда жазылған бейтарап қосылмау мәртебесіне оралуы керек», — деді дипломат. Ол сондай-ақ Украина армиясының соғыс қимылдарын тоқтату және Киевке Батыс қару-жарақтарын жеткізуді тоқтату қажеттігін атап өтті.
Галузин Украина билігі жаңа аумақтық шындықты мойындауы керек деп қосты.
Бұған дейін Галузин Ресей армиясы мойындалмаған Приднестровьеде Украина арандатушылық жасаған жағдайда жауап қайтарып, аймақ халқын қорғайтынына уәде берген. Ол аймақ төңірегіндегі жағдайдың күрделі екенін, бірақ қазіргі уақытта тікелей әскери қақтығыс қаупі жоқ екенін айтты.