Газ оттығындағы монеталар. Мұрағат фото
Беларусь пен Қазақстан үшін ресейлік газдың бағасы әртүрлі, өзіндік құнын анықтаудың бірыңғай тәсілі болмайды, деп хабарлады журналистерге РФ Энергетика министрлігінің басшысы Николай Шульгинов. «Құрылым күрделі, баға (Қазақстан үшін – ред.) Беларусьтен төмен деген ұғым жоқ… Бүгінде әр елде баға әртүрлі. Ол бұрыннан қабылданған. Кейбір елдерде баға бір жылға, ал кейбір елдерде үш жылға белгіленген. Бұл ретте, біздің барлық серіктестеріміздің бағасы әлемдік бағадан айтарлықтай төмен екенін ескеру қажет», — деді Шульгинов Еуразиялық экономикалық форум аясында.
Бағаға қатысты жаңа бірыңғай тәсіл әзірленеді ме деген сұраққа министр: «Жоқ, бірыңғай тәсіл болмайды. Бағаны елдің өз мүддесі, өз міндеттемелері, жеткізу мүмкіндіктері, логистика және т.б. ескере отырып, өзі белгілейтін болады. Бірыңғай баға әлі болмайды».
Сондай-ақ Энергетика министрлігінің басшысы журналистерге қазіргі уақытта ЕАЭО-ға мұнай өнімдерін жеткізуді ұлғайту жоспарда жоқ екенін айтты. «Мұндай жоспарлар жоқ. Біз мұнай мен мұнай өнімдерін ЕАЭО елдеріне индикативті теңгерім бойынша жеткіземіз. Біз оларды жыл сайын қарастырамыз, көлемі сонда анықталады», — деп қосты министр.
«РИА Новости» Еуразиялық экономикалық форумның ақпараттық серіктесі ретінде әрекет етеді.
