Гавана, Куба көрінісі. Мұрағат фото
Ресей мен Куба арасындағы тауар айналымы 2022 жылы үш есеге өсіп, 452 миллион долларға жетті, деп хабарлады премьер-министрдің орынбасары Дмитрий Чернышенко.
«Куба – Латын Америкасы мен Кариб теңізі аймағындағы біздің негізгі серіктесіміз әрі сенімді одақтасымыз. Біз достық, өзара құрмет қағидаттарына негізделген және сыртқы конъюнктураға бағынбайтын ресей-куба қарым-қатынастарының ерекше сипатын жоғары бағалаймыз», — деді ол сауда-экономикалық және ғылыми-техникалық ынтымақтастық жөніндегі Ресей-Куба үкіметаралық комиссиясының отырысын аша отырып.
Оның айтуынша, қолайлы саяси жағдай сауданы дамытуға, инвестициялық және мәдени-гуманитарлық ынтымақтастықты арттыруға қажетті жағдай жасайды.
«Тауар айналымы 2022 жылы үш есеге өсіп, 452 миллион долларды құраса, 2023 жылдың төрт айында өткен жылдың осы кезеңімен салыстырғанда 9 есеге өсіп, 137,6 миллион долларға жетті», — деді ол.
