Украина президенті Владимир Зеленский. Мұрағат фото
Владимир Зеленский өзінің Telegram-арнасында америкалық BlackRock активтерді басқару компаниясының басшылығымен елді қалпына келтіру үшін инвестициялық қор құрудың егжей-тегжейлерін талқылағанын айтты.
«Украина экономикасын қалпына келтіру үшін инвестициялық қор құрудың егжей-тегжейлері әлемдегі активтерді басқару бойынша ең ірі BlackRock компаниясының басшылығымен кездесу барысында талқыланды. Қорды құрудағы басты мақсат – Украинадағы ауқымды бизнес-жобаларды жүзеге асыру үшін жеке және мемлекеттік капиталды тарту», - деді Зеленский Telegram-арнасындағы жолдауында.
Оның пікірінше, мұндай қордың құрылуы инвестициялық ахуалды нығайтуға «қуатты сигнал» болмақ.
