Санкт-Петербургте Невский даңғылында «Художественный» кинотеатрының ғимараты өртенді.
Өрт Санкт-Петербордағы Невский даңғылындағы бес қабатты ғимараттың шатыр қабатында шыққан. Құтқарушылар 25 адамды эвакуациялады. Бұл туралы РФ Төтенше жағдайлар министрлігінің қалалық бас басқармасы Telegram-каналында хабарлады.
Ведомствоның мәліметінше, Невский даңғылы, 67 мекенжайындағы ғимаратта өрт шыққаны туралы хабарлама Мәскеу уақытымен 20.26-да түскен. «Художественный» кинотеатры, қонақүй және басқа да бірнеше мекеме орналасқан ғимараттың шатыр қабатында 15 шаршы метр аумақ өртенді.
Өрт қоңырау түскеннен кейін бір сағаттан соң сөндірілді. Оқиға орнында 25 құтқарушы мен бес техника жұмыс істеді.
Бұған дейін Санкт-Петербургте тоқыма өнімдері қоймасында өрт шығып, адам қаза тапқаны хабарланған болатын. Өрт 300 шаршы метр аумақты шарпыған.