Reuters: соңғы кеме астық мәмілесі аяқталмай тұрып Одесса портынан шықты
Мұрағаттық фото. Фото: Bo Amstrup / Ritzau Scanpix / Reuters
Соңғы кеме Одесса портынан астық мәмілесі аяқталмай тұрып кетті. Бұл туралы жексенбі, 16 шілдеде Reuters және MarineTraffic хабарлады.
Сусымалы жүк тасымалдаушы порттан таңғы сағат 8:12-де шығып, 17 шілдеде сағат 14:00-де Ыстамбұлға жетуі керек деп хабарланды.
Бұған дейін Ресей президенті Владимир Путин Батыс елдері Қара теңіз бастамасына қол қою кезінде келісілген Мәскеу талаптарын орындаған жағдайда ғана астық келісімінің мерзімі ұзартылатынын айтқан.
Ал Кремль баспасөз хатшысы Дмитрий Песков Мәскеу келісімнің соңына дейін алдағы әрекеттерін әзірлеп жатқанын айтты.
Сонымен бірге, Еуропалық комиссия ЕО астық келісімін ұзарту және Ресей, БҰҰ және Түркия арасындағы келіссөздерді жеңілдету үшін барлық ықтимал шешімдерді зерделеуге және талқылауға ашық екенін атап өтті.