БҰҰ Солтүстік Кореяны ядролық нысандарында қауіпсіздікті жоғары деңгейде сақтауға шақырады
Фото: Kcna / Reuters
БҰҰ Бас хатшысының көмекшісі Халед Хиари БҰҰ Қауіпсіздік кеңесінің отырысында КХДР үшін ядролық нысандарда қауіпсіздікті жоғары деңгейде қамтамасыз ету маңызды екенін айтты. Оның сөздерін РИА Новости келтіреді.
«Корея түбегінің толық және тексерілетін денуклеаризациясы аяқталғанша, КХДР өзінің ядролық нысандарында қауіпсіздіктің ең жоғары деңгейін сақтауы қажет», — деп талап етті шенеунік.
Бұған дейін Сеул Солтүстік Кореяның ядролық зымырандарының Париж, Берлин және Лондонды соғу мүмкіндігі туралы ескерткен болатын.
12 шілдеде жапон билігі Солтүстік Кореяның зымырандары АҚШ-тың кез келген жеріне жете алатынын баса айтты. Атап өтілгендей, оқтұмсықтың салмағына және басқа факторларға байланысты зымыранның қашықтығы 15 000 шақырымнан астам болуы мүмкін.