Путин инвесторлар мен білікті мамандардың Ресейге кіруін жеңілдетуді тапсырды
Фото: Bench Accounting / Unsplash
Ресей президенті Владимир Путин үкіметке инвесторлар мен білікті жұмысшылардың виза мен жұмыс істеуге рұқсат алуын жеңілдетуді тапсырды. Бұл туралы Кремль сайтындағы баспасөз хабарламасында айтылған.
Ол үшін министрлер кабинеті 1 тамызға дейін Ресейдің көші-қон заңнамасын сараптап, елге келу және аталған санаттағы шетелдіктердің еңбек белсенділігін анықтауға тиіс.
Сонымен қатар, Путин үкіметтен Орталық банкпен бірге валюталық реттеу мен бақылауды өзгерту туралы ұсыныстарды сол мерзімде енгізуді сұрады. Президенттің айтуынша, өзгерген сыртқы саясат пен сыртқы экономикалық жағдайларға байланысты тиісті қадам қажет.
Президент Ресейде көп балалы отбасылар үшін ипотеканың кейбір шарттары да өзгеруі мүмкін деп санайды. Атап айтқанда, мемлекет басшысы 18 жасқа дейінгі үш және одан да көп баласы бар отбасылар үшін ипотеканың шекті сомасын көтеру туралы ойлануды ұсынды. Президенттің бастамасы Мәскеу, Мәскеу облысы, Санкт-Петербург және Ленинград облысынан басқа барлық субъектілерге қатысты.