АҚШ-тың Техас штатында бассейндегі хлордың ағуы салдарынан 12 адам зардап шекті.
Фото: Рафаэль Бискальди / Unsplash
АҚШ-та бассейндегі хлордың ағып кетуіне байланысты 12 адам улану белгілерімен ауруханаға жатқызылды. Бұл туралы ABC News хабарлады.
Оқиға 24 маусымда Американың Хьюстон қаласында (Техас штаты) жергілікті уақыт бойынша сағат 17:00 шамасында болған. Алдын ала мәлімет бойынша, зардап шеккендердің арасында балалар да бар. Қалалық құтқару қызметінің басшысы Самуэль Пеньяның айтуынша, бұған бассейннің шамадан тыс хлорлануы себеп болуы мүмкін. Қазір ағып кетуді жою жұмыстары жүргізілуде.
Бұған дейін Новокузнецкіде қалалық сауықтыру және ойын-сауық кешенінің бассейнінде 10 адам, оның ішінде алты бала хлордан уланған болатын. Осы оқиғаға байланысты сот орындаушылар бассейннің жұмысын 60 күнге тоқтатты. Сот шешімі көптеген заң бұзушылықтарды анықтаған Роспотребнадзордың тексеруінен кейін шығарылды.