Банкноттар. Мұрағат фото
Ресейдің ақшаны жылыстатуға қарсы жүйесі тиімді жұмысын жалғастыруда, Financial Action Task Force (FATF) мүшелігін тоқтату ешқандай шектеулерге әкелмейді, деп хабарлады Росфинмониторинг.
«Бүгін ақшаны жылыстатуға қарсы қаржылық іс-қимыл тобының пленарлық апталығы аяқталды (19-23 маусым). Күн тәртібіндегі мәселелерді қарау қорытындысы бойынша Ресейдің ұйымдағы мәртебесі өзгеріссіз қалды. Еске салайық, ағымдағы жылдың 24 ақпанында Ресей Федерациясының ФАТФ-тағы мүшелігін тоқтату туралы саясиландырылған шешім қабылданған болатын. Бұл шешім Ресейдегі және шетелдегі қаржы институттары үшін ешқандай міндеттемелер мен шектеулерді туындатпайды.
Сондай-ақ ол «ақшаны жылыстатуға қарсы ресейлік жүйе тиімді жұмыс істеуін жалғастыруда» деп қосты. «Росфинмониторинг мүдделі елдермен халықаралық ынтымақтастықты арттыруда», — деп толықтырды агенттік.
Жұма күні ертерек ФАТФ пленарлық отырыс қорытындысы бойынша Ресейдің мәртебесі туралы шешімді өзгертпестен жариялады. Бірқатар батыстық ақпарат құралдары Ресейдің бұл тізімге ену қаупі туралы хабарлады.
ФАТФ-та ақшаны жылыстату және терроризмді қаржыландыру бойынша әлемдік қаржы жүйесіне қауіп төндіретін мемлекеттер тізімі бар. Қара тізімге ФАТФ өз мүшелерін және басқа мемлекеттерді қарсы шаралар қолдануға шақыратын елдер кіреді. 2023 жылдың ақпан айындағы жағдай бойынша оған Солтүстік Корея, Иран және Мьянма кірді.
Сондай-ақ ФАТФ тарапынан күшейтілген бақылауға алынған юрисдикциялардың сұр тізімі бар. Мұнда, мысалы, Панама, Сирия, Албания, Нигерия және Кайман аралдары болды. Жұма күнгі кездесуден кейін оған Хорватия, Вьетнам және Камерун қосылды.
