Стокгольмде Ресей елшілігінің жанындағы аялдама «Еркін Украина алаңы» деп өзгертілді.
Фото: TT News Agency / Anders Wiklund / Reuters
Швецияның Стокгольм қаласында Ресей елшілігінің жанында орналасқан аялдама атауы өзгертілді. Бұл туралы Стокгольм облысының басқарма төрағасы Аида Хаджиалич мәлімдеді, деп жазады ТАСС.
«Фурверкарбаккен» аялдамасы қазір «Еркін Украина алаңы» деп аталады. Хаджиаличтің айтуынша, бұл Стокгольм аймағы мен Швецияның Киевті қолдайтынының айқын белгісі болмақ.
Өткен жылдың мамыр айында Стокгольм билігі Ресей елшілігінің жанында орналасқан Марибергспаркен қалалық саябағына «Еркін Украина алаңы» белгісін орнатқан болатын. Бұған дейін Стокгольм мэрі Анна Кениг Йерлмюр жаңа атау «украин халқымен ынтымақтың символы» болатынын атап өтіп, Ресей билігінің әрекетіне қатысты ұстанымын ерекше атап өтті.