Қырымның Жанкой аймағында бидай жинау. Мұрағат фото
Американың ірі ауылшаруашылық трейдері Каргил Ресейден астық экспорттауын тоқтатады, деп жазады РБК.
Басылымның мәліметінше, сейсенбі күні Ауыл шаруашылығы вице-министрі Оксана Лут компаниядан ресейлік астықтың экспортын тоқтатып жатқаны туралы ақпарат алған. Алайда министрлік Каргилдің кетуі экспортқа әсер етпейтінін айтты.
Каргил компания келесі ауыл шаруашылығы маусымында «астық экспорты мәселелерін бұрын талқыланған және Ауыл шаруашылығы министрлігінің ұсыныстарына сәйкес» Ресейден астық экспорттаудан бас тартатынын түсіндірді.
Каргил Ресейден астық экспорттаушылардың ондығына кіреді. Компания Ресей нарығында 1991 жылы пайда болды, 2022 жылы ресейлік кәсіпорындарға инвестициялау тоқтатылды.
