РБК: Әлемдегі ең ірі жеткізушілердің бірі Cargill Ресейден астық экспортын тоқтатады
Фото: Unsplash.com
Әлемдегі ауылшаруашылық өнімдерін ең ірі жеткізушілердің бірі американдық трейдер Cargill Ресейден астық экспортын тоқтатады. Бұл туралы РБК хабарлайды.
Корпорацияның ресейлік еншілес кәсіпорны келесі ауыл шаруашылығы жылында астық экспортын тоқтатады (ол 2023 жылдың 1 шілдесінде басталып, 2024 жылдың 30 маусымына дейін жалғасады). Ол өз шешімі туралы Ауыл шаруашылығы вице-министрі Оксана Лутқа хабарлады.
Cargill ағымдағы маусымға жоспарланған жөнелтілімдер толық көлемде орындалады деп уәде берді. Сондай-ақ, астық экспортына байланысты активтер портфелін қайта қарау ниеті туралы айтылды.
Ауыл шаруашылығы министрлігінің баспасөз қызметі оларға серіктестіктен хабарлама келгенін растады.
Бұған дейін Ресейдің Көлік министрлігі, Ауыл шаруашылығы министрлігі және Федералдық монополияға қарсы қызметі (ФАС) астық тасымалдау бағасын тұрақтандыру шараларын әзірлеп, тасымалдау қызметінің құнын реттеу тетігін дайындайтыны белгілі болды.