Ресей Венгрияның өтініші бойынша елге қосымша газ жеткізуді жүзеге асырмақ
Фото: Pixabay
Мәскеу өз міндеттемелеріне сәйкес Венгрияға газ жеткізуді жалғастыруда және Будапешттің өтініші бойынша қосымша жеткізілімдер жүзеге асырылады. Бұл туралы Ресей үкіметінің сайтында хабарланды.
Ресей премьер-министрінің орынбасары Александр Новактың Венгрия Сыртқы істер министрі Петер Сияртомен телефон арқылы сөйлескені, оның барысында екі елдің сауда және энергия жеткізу саласындағы өзара іс-қимылын талқылағаны атап өтілді.
«Ресей келісім-шарттық міндеттемелерге сәйкес Венгрияға газ жеткізуді, сондай-ақ венгр тарапының өтініші бойынша қосымша жеткізуді жалғастыруда», — делінген хабарламада.
Бұған дейін Венгрия мен Польша ЕО-ның газ тұтынуды тағы 12 айға азайту жоспарына қарсы болған. ЕО-ның қалған барлық елдері келесі қыста газды жинақтау қажеттігін алға тартып, үнемдеу режимін ұзартуды қолдады. Алайда, Сияртоның айтуынша, енді бұл қадам Еуропа үшін аса қауіпті болмақ.