Сахалинде сұйытылған табиғи газ өндіретін зауыт. Мұрағат фото
Еуропалық бағытты жоғалту жағдайында сұйытылған табиғи газды (СТГ) өндіру мен экспорттауды кеңейту ресейлік отын-энергетика кешенінің негізгі міндеті болып табылады, деп мәлімдеді РФ вице-премьері Александр Новак.
«…Сұйытылған табиғи газды өндіру және экспорттау деңгейін кеңейту. Менің ойымша, бұл қазіргі жағдайда біздің Еуропаға инфрақұрылымымыз зардап шеккен және біз құбыр арқылы газ экспортының айтарлықтай үлкен көлемін жоғалтқан кездегі басты міндет», — деді Новак РФ Энергетика министрлігінің қорытынды алқасында сөйлеген сөзінде.
«Иә, біз шығыс елдеріне де жеткізуді дамытамыз. Соған қарамастан СТГ нарығы белсенді дамып келеді. Бізде жүзеге асырылған бірнеше жобалар бар, Арктикалық LNG 2, Усть-Луга сияқты бірқатар жобалар жүзеге асырылуда. Біз олармен жұмыс істеп, оларды жүзеге асыруға көмектесуіміз керек», — деп қосты ол.
Вице-премьердің айтуынша, Ресейдің алдында 2030 жылға қарай жылына кемінде 100 миллион тонна СТГ өндіруге жету міндеті тұр. Ол үшін бір жағынан тиісті жобаларды ресурстық базамен қамтамасыз етсе, екінші жағынан өндіріс технологиясы мен құрал-жабдықтары жағынан дербестікті қамтамасыз ету қажет. Бұл бойынша жұмыс қазірдің өзінде жүріп жатыр, деді Новак.
«Премьер-министр де осындай тапсырма қойып, үйлестіру орталығы аясында тиісті жобаны құруды тапсырды. Біз мұндай штабтың алғашқы отырысын өткіздік, бұл жұмысқа ерекше көңіл бөлетін боламыз», — деп түйіндеді сөзін Премьер-Министрдің орынбасары.
