Киев, Украина. Мұрағат фото
Украинада 2022 жылы өнеркәсіп өндірісінің көлемі 36,9%-ға төмендеді, деп хабарлайды РБК-Украина басылымы елдің мемлекеттік статистика қызметінің мәліметтеріне сілтеме жасап.
«2022 жылы бөлшек сауда кәсіпорындарының айналымы 24,3%-ға қысқарды. 2022 жылға өнеркәсіп өнімінің көлемі 36,9%-ға төмендеді. Ең көп төмендеу наурыз айында тіркелді – 53,7%. Содан кейін құлдырау қарқыны бәсеңдеді (қыркүйекте 39,8%-ға дейін), бірақ жыл соңында ол қайтадан жеделдеді – желтоқсанда 44,1%-ға дейін.
Көрсетілген мерзімде құрылыс өнімінің көлемі 65,1 пайызға төмендегені нақтыланды. Тұрғын үй құрылысында төмендеу 60,3%-ды құрады.
Мемлекеттік статистика қызметінің мәліметінше, Украинаның нақты жалпы ішкі өнімі (ЖІӨ) 2022 жылдың төртінші тоқсанында 2021 жылдың сәйкес кезеңімен салыстырғанда 31,4 пайызға төмендеген.