Беларусь Республикасының Ұлттық банкі. Мұрағат фото
Беларусь Ұлттық банкі 3 сәуірден бастап қайта қаржыландыру мөлшерлемесін жылдық 11%-дан 10,5%-ға дейін төмендететінін хабарлады.
«2023 жылғы 3 сәуірден бастап қайта қаржыландыру мөлшерлемесі жылдық 11%-дан 10,5%-ға, «овернайт» несиесінің мөлшерлемесі – жылдық 12%-дан 11,5%-ға, «овернайт» депозиті бойынша мөлшерлеме – жылдық 10%-дан 9,5%-ға дейін төмендетілді. Тиісті шешімдерді Ұлттық Банк Басқармасы 2023 жылғы 24 наурызда ақша-кредит саясаты мәселелері жөніндегі кеңестің қорытындысы бойынша қабылдады», — делінген реттеуші сайтында.
Соңғы рет қайта қаржыландыру мөлшерлемесі 1 наурыздан бастап – 11,5%-дан 11%-ға дейін төмендетілді.
