Байден АҚШ-тағы банктерге қатысты жағдайдың тынышталғанын айтты
Фото: Эвелин Хокстайн / Reuters
АҚШ президенті Джо Байден елдегі банк дағдарысының аяқталғанын хабарлады. Бұл туралы РИА Новости хабарлайды.
Ақ үй басшысы журналистермен әңгімелесу барысында АҚШ-тағы банктерге қатысты жағдай тынышталды ма деген сұраққа оң жауап берді.
10 наурызда Калифорния реттеушілері Silicon Valley банкін жапты. Бұл 2008 жылғы дағдарыстан кейінгі 15 жылдағы ең ірі банк сәтсіздігі болды. SVB АҚШ-тың Федералды резервтік жүйесі мөлшерлемесінің көтерілуіне байланысты күйреді, бұл көптеген қаржы институттарының баланстарындағы активтердің құнсыздануына әкелді. Банктің қаржылық мәселелеріне клиенттердің депозиттерді жаппай алуы қосылды.
12 наурызда Signature банкі де жабылды. АҚШ қазынашылығының, Федералдық резервтік жүйенің және депозиттерді сақтандырудың федералдық корпорациясының бірлескен мәлімдемесінде құзырлы органдардың мұндай қадамға несие мекемесінің жүйелі тәуекелдеріне байланысты барғаны көрсетілген.